Kwamitin Tabbatar Da Kafuwar Jami’ar FBI Ya Nada Dr Kankia A Matsayin Sakatare

Kwamitin da aka kafa domin tabbatar da sabuwar Jami’ar ‘Franco-British International (FBI) University’ dake Kaduna ta ayyana Dr Abdullahi Abubakar Kankia a matsayin Sakataren tsare-tsare da tabbatar da kafuwar Jami’ar (PIC). 

Hakan na dauke ne a cikin takardar ba shi mukamin da jagoran ganin an kafa Jami’ar ta FBI, Farfesa Adamu Abubakar Gwarzo ya sanyawa hannu, wanda kuma aka rabawa manema labarai a Kano a yau Alhamis. 

A cewar takardar, mukamin na shi zai fara aiki ne a nan take, kuma an ba shi mukamin ne sakamakon zaman da kwamitin na PCI ya yi kan ganin an kafa Jami’ar ta FBI a Kaduna a ranar Larabar 24 ga watan Fabarairun 2021. 

Takardar ta bayyana cewa; “muna farin cikin sanar da kai cewa an nada ka mukamin Sakataren tsare-tsare da tabbatarwa na kwamitin Jami’ar”. 

Takardar ta ci gaba da cewa; “kwamitin na da imanin cewa zaka yi amfani da kwarewarka wajen ganin aikin kafa jami’ar ya yiwu”. 


Post a Comment

0 Comments