An Sanya Dokar Hana Fita A Jihar Ribas Saboda Matsalar Tsaro

 

Daga Auwal Adam

Gwamntin Ribas a karkashin gwamna Nyesom Wike ta ayyana dokar hana zirga-zirga a cikin dare a jihar tare da cewa babu shiga kuma babu fita.

Cikin jawabin da ya yi wa al’ummar jihar, gwamna Nyesom Wike ya ce dokar za ta fara aiki da daren yau Laraba.

Sanya dokar ya biyo bayan sabbin hare-hare da wasu ‘yan bindiga da ba a gano su ba suke kai wa kan jami’an tsaro.

 “Gwamnatin jihar Ribas ta yanke shawarar takaita shige da fice a jihar kan iyakokin jihar na tudu,” a cewar Wike.

Dokar wadda za ta fara aiki daga karfe 8 na dare zuwa 6 na safe, ta shafi mutane da ababen hawa.

Majiyarmu ta labarto cewa; gwamnan ya bayyana cewa an girke jami’an tsaro domin tabbatar da jama’a sun bi dokar.