Dalilan Tsaro Ya Sanya Gwamnatin Katsina Ta Haramta Tashe

 


Wakilinmu a Katsina ya labarto mana cewa saboda dalilan tsaro da ake fama da shi a jihar ta Katsina, gwamnatin jihar ta haramta al'adar Tashe da ake yi cikin watan Ramadana.

Hakan ya fito ne a cikin sanarwar da kwamishinan yada labarai da al'adu da harkokin cikin gida Abdulkarim Yahaya Sirikathe ya fitar, wanda ya ce an dauki matakin hakan saboda dalilai na tsaro kwanaki 15 da fara azumin.

Gwamnatin jihar ta kuma umurci jami'an tsaro su kama duk wanda aka samu ya taka wannan dokar.


Post a Comment

0 Comments