Abubuwan Da Ya Kamata Ku Sani Kan Farouk Yahaya Sabon Babban Hafsan Sojin Nijeriya

  Sabon Shugaban Sojin Na bankwana Da Tsohon shugaban Sojin Marigayi I. Attahiru Shugaban kasa Muhammadu Buhari ya nada sabon Babban hafsa...

 

Sabon Shugaban Sojin Na bankwana Da
Tsohon shugaban Sojin Marigayi I. Attahiru

Shugaban kasa Muhammadu Buhari ya nada sabon Babban hafsan Sojojojin kasa, domin maye gurbin Marigayi Laftanal Janar Attahiru Ibrahim wanda Allah ya yi wa rasuwa a makon jiya sanadiyyar hadarin jirgin sama.

An haifi sabon shugaban rundunar sojan kasar Manjo Janar Faruku Yahaya a garin Sifawa dake karamar hukumar Bodinga a jihar Sakkwato a ranar 5 ga watan Janairu 1966.

Ya samu gurbin karatu a kwalejin horar da kananan hafsoshin Soja ta NDA a rana 27 ga watan Satumbar shekarar 1985, inda ya kuma kammala a watan Satumbar 1990.

Janar Yahaya ya rike mukamai daban-daban da suka hada da, shugaban runduar dake gadin shugaban kasa, Darakta a kwalejin horas da manyan hafsoshin soja dake Jaji.

Yahaya ya rike Babban jami’in gudanar da ayukan Soja a Hedikwatar soja ta kasa, ya zamo shugaban ma'aikata a wata runduna ta musaman "Operation Pulo Shield".

Kana ya zamo baban jami’in soja a ofishin ministan tsaro kafin kuma ya zamo babban Kwamandar runduna ta hudu, da shugaban rundunar yaki da ta’addanci ta zaman lafiya dole.

Ya rike shugaban sashin samar da horo na rundunar sojan kasa, kuma ya zamo babban Sakataren rundunar soja na kasa. Ya kuma jagoranci runduna ta daya a matsayin GOC. Kafin tura shi Maiduguri inda ya zamo shugaban rundunar hadin kai har zuwa lokacin wannan nadi.