Kotun Koli Ta Bai Wa INEC Izinin Soke Wasu Jam'iyyun Siyasa

 

Shugaban hukumar zabe na NIjeriya INEC Farfesa Mahmud Yakubu.

Hukumar zabe mai zaman kanta ta Nijeriya ta samu wani gagarumin dama a daidai lokacin da Kotun kolin Nijeriya ta yanke hukuncin cewar hukumar na da hurumin soke wasu jam’iyyun siyasar kasar da suka gaza wajen taka rawar lashe wasu kujerun majalisu ko na gwamnoni ko kuma shugaban kasa.

Wannan ya biyo bayan karar da Jam’iyyar NUP ta shigar inda ta ke kalubalantar hukumar zaben kan matakin da ta dauka na janye lasisin ta da na wasu jam’iyyun kasar 74.

Mai shari’a Chima Nweze ya ce matakin da hukumar zaben ta dauka ya yi daidai da dokar kasa da kuma dokar zabe da ake amfani da ita a kasar.

Kafin wannan hukunci a jiya babban kotun Abuja da ta daukaka kara duk sun amince da matsayin hukumar zaben na soke lasisin Jam’iyyu 74 saboda gaza lashe koda kujerar majalisa guda.


Post a Comment

0 Comments