Gwamnan Sokoto Tambuwal Zai Rushe Wata Unguwa Baki Ɗayanta

  Gwamnan Sokoto Aminu Waziri Tambuwal ya bayar da umarnin rusa wata unguwa da ke wajen babban birnin jihar nan take. Aliyu Sidi Lamido wa...

 

Gwamnan Sokoto Aminu Waziri Tambuwal ya bayar da umarnin rusa wata unguwa da ke wajen babban birnin jihar nan take.

Aliyu Sidi Lamido wanda shi ne mai bai wa gwamnan shawara kan tsara birane, ya shaida wa BBC Hausa cewa matakin ya biyo bayan ƙaurin sunan da unguwar da ake kira Raymond Village ta yi.

Ya ce unguwar ta zama matattarar "yan fashi da masu safarar miyagun ƙwayoyi da safarar ɗan Adam da harkokin baɗala.

Gwamnan ya ba da umarnin ne bayan wata ziyarar ba-zata da ya kai unguwar ranar Talata tare da rakiyar shugabannin hukumomin tsaro.