Matsalar Tsaro Ta Sanya Masarautar Daura Dakatar Da Hawan Sallah

  Masarautar Daura da ke Jihar Katsina ta dakatar da Hawan Sallah a bikin Babbar Sallah da za a yi sakamakon "rashin tabbataccen tsaro&...

 

Masarautar Daura da ke Jihar Katsina ta dakatar da Hawan Sallah a bikin Babbar Sallah da za a yi sakamakon "rashin tabbataccen tsaro".

Wata sanarwa da Danejin Daura Abdulmumini Salihu ya fitar ranar Talata ta ce Sarki Umar Faruq Umar ya ɗauki matakin ne sakamakon matsalolin tsaro da suka addabi yankin masarautar.

"A maimakon haka, za a gudanar da Sallar Idi kamar yadda aka saba, bayan an kammala za a gudanar da addu'o'i na musamman a fadar mai martaba sarki don neman dawwamammen zaman lafiya," in ji sanarwar.

Al'ummar Musulmi a Najeriya za su gudanar da bikin Babbar Sallah ranar 10 ga watan Zul Hijja na shekarar Hijira ta 1442, wanda ya yi daidai da 20 ga watan Yuli.

Garin Daura wanda shi ne mahaifar Shugaban Najeriya Muhammadu Buhari, na fama da hare-haren 'yan bindiga da ake zargin 'yan fashi ne waɗanda ke sace mutane da kashe su don neman kuɗin fansa.