Ba Za Mu Taba Mika Wuya Ga Muradun Amurka Ba -Sabon Shugaban Iran Ya Jaddada

 


A jiya Talata ne aka rantsar da sabon shugaban kasar Iran, Ibrahim Raïssi, kan karagar shugabancin kasar Iran.

Raïssi ya bayyana cewa, gwamnatinsa za ta yi iya yinta, wajen ganin ta kawo karshen  takunkuman kariyar tattalin arizikin da kasar Amruka ta kakaba mata, ba tare da ta nemi  taimakon kasashen ketare, wajen sake farfado da tattalin arizikin kasar da suka fuskanci koma baya ba.

Tsohon shugaban hukumar  shari’ar kasar, Ibrahim Raïssi, mai shekaru 60 a duniya,  a jiya ne a hukumance ya karbi rantsuwar  fara  aikin wa’adin mulkin shekaru 4, bayan tabbatar da zabensa, da babban jagoran kare juyin juya halin mulkin musuluncin kasar Ayatollah Ali Khamenei ya yi.

A lokacin da yake jawabi bayan rantsar da shi, Raissi ya ce zai yi iya kokarin ganin an  cire wa kasar  miyagun takunkuman kariyar tattalin arizikin rashin adalci  da Amurka ta dora wa kasar, sai dai ya kara da cewa, ba za su taba mika wuya ba su watsar da muradun kasar a gaban  kasashen ketare .


Post a Comment

0 Comments