RIKICI YA KUNNO PDP: Wasu 'Yan Jam'iyyar Sun Bukaci Secondus Ya Yi Murabus



Wasu magoya bayan jam'iyyar PDP a karkashin kungiyar  'PDP Frontliners' sun nemi shugaban jam'iyyar na kasa, Uche Secondus da ya yi murabus. 

Membobin kungiyar sun gabatar da wannan bukata ne a wani taron manema labarai a Kaduna ranar Lahadi. 

Sun nuna bacin ransu cewa duk da rashin rashin katabus din da ya yi a shugabancin PDP, Secondus ya fi son ci gaba da zama a kan kujerar fiye da ba da damar canje-canjen da za su shirya jam'iyar don samun nasarar zaɓe a 2023. 

Membobin Ƙungiyar ta PDP, karkashin jagorancin Alhaji Hussein Mohammed  a matsayin Shugaban kasa, Mista Moses Abidemi, Sakatare da Mista Dan Okafor, Sakataren Yada Labarai, sun nuna mamakin yadda Secondus ya ki yin murabus duk da gazawar da ya yi.

Post a Comment

0 Comments