Bayan Rahoton MADOGARA Hukumar Kwastam Ta Kafa Kwamitin Binciken Harbin Da Aka Yi Wa Tawagar Kwamishina A Katsina

 

Jami'an Kwastam na kokarin hana kar a dauke su hoto. 

Bayan Rahoton da wannan Jarida ta MADOGARA ta wallafa na yadda Jami’an Hukumar Kwastam suka budewa tawagar Kwamishinan Kananan Hukomi da Harkokin Masarauta ta jihar Katsina wuta a daidai garin Mai Adua daga Daura a ranar Talata, Hukumar Kwastam ta kafa wani kwamiti da zai binciki harbin da aka yi a tawagar Kwamishinan.

Karanta labarin a nan; YANZU-YANZU: Jami'an Kwastam Sun Budewa Kwamishina Wuta A Katsina

Kwamishinan, Alhaji Ya'u Umar Gwajo Gwajo

Dalha Wada-Chedi shi ne Kwanturola na Hukumar ta Kwastam ta jihar Katsina ya bayyana wa manema labarai cewa wannan Kwamandan da ake zargi shi ne ya budewa tawagar wuta an kafa kwamitin binciken akan sa dangane da faruwar lamarin.

Ana zargin Jami’in Kwastam din da harbi a jerin gwanon na Kwamishinan a yayin gudanar da aikinsu akan hanyarsa ta dawowa daga Karamar Hukumar Daura zuwa gidansa dake Mai-Adua.

Wada-Chedi ya bayyana cewa yana fata kwamitin zai yi aikinsa bisa adalci, ya kara da cewa kwamitin da aka kafa za a gabatar da shi ga jama’a da kuma daukar matakin da ya dace.

Kalli hotunan yadda aka kai harin; Yadda Jami'an Kwastam Suka Bude Wa Kwamishinan Kananan Hukumomi Wuta A Katsina Cikin Hotuna