DA DIMINSA: Tankar Man Fetur Ta Kama Da Wuta A Adamawa

  Daga Wakilinmu Da safiyar yau Litinin ne aka samu fashewar tankar man fetur a babban Birnin Yola ta jihar Adamawa. Ya zuwa yanzu babu tabb...

 

Daga Wakilinmu

Da safiyar yau Litinin ne aka samu fashewar tankar man fetur a babban Birnin Yola ta jihar Adamawa.

Ya zuwa yanzu babu tabbacin ko an rasa rai ko jikkata a fashewar tankin man fetur din. Lamarin dai ya auku ne a daidai PZ Roundabout dake titin Airport.

Majiyarmu ta labarto mana cewa tankar man fetur din na kamfanin Conoil ne, ta kuma fadi ne a daidai lokacin da direban ke kokarin juyawa a  roundabout din.

Ababen hawa da shaguna da dama dake tsawon mita 80 a tsakanin inda tankar man fetur din ta fadi sun kama da wuta, wanda hakan ya jawo asarar da har ya zuwa hada rahoton nan ba a tantance ba.

Ya zuwa hada rahoton nan gamayyar masu kashe wuta na jiha da gwamnatin Tarayya sun isa wurin domin kashe wutar. Kazalika a gefe guda kuma, sojin sama da Kamfanin Faro sun isa wurin suna taimakawa wajen kashe wutar.