An Nada Sabon Limamin Kona Na Masarautar Zazzau

Daga Aqil Abdulkadir A ranar Juma'ar 12 ga watan Nuwamban 2021, Mai Martaba Sarkin Zazzau Ambassada Ahmad Nuhu Bamalli ya na...

Daga Aqil Abdulkadir

A ranar Juma'ar 12 ga watan Nuwamban 2021, Mai Martaba Sarkin Zazzau Ambassada Ahmad Nuhu Bamalli ya nada  Malam Ahmad Tijjani Ahmad (Khalifa)  a matsayin Limamin Kona na Masarautar Zazzau.

Wakilinmu da ya halarci taron ya labarto cewa bikin nadin da aka yi a fadar Zazzau ya tara dimbin masoya na cikin garin Zariya da kewaye  wadanda suka zo taya sabon Liman murna.

      A yayin da ake yi wa sabon Limamin Kona nadi

Kamar yadda aka sani dai LIMAMIN KONA yana cikin mutum 5 dake zaben Sarki a Masarautar Zazzau, har ila yau kuma yana cikin 'yan majlisar Sarki.

Bayan nadin sabon Liman din, ya yi hawa a doki zuwa gidan su gidan Kona dake Limanci Zariya cinda mutane ke ta tururuwar kai masa gaisuwa.