Shugaba Buhari Ya Taya Mamman Daura Murnan Ranar Haihuwa


Shugaban Ƙasa Muhammadu Buhari ya taya Malam Mamman Daura Murnar cikarsa Shekaru 82 da haihuwa a ranar 10 ga watan Nuwamba.

Shugaban ya bayyana hakan ne a wata sanarwa da Kakakinsa, Malam Garba Shehu ya sanyawa hannu.

Shugaba Buhari ya ce babu wanda yafi dacewa da ya taya shi murnar zagayowar ranar haihuwarsa kamar Malam Mamman Daura, inda ya bayyana shi a matsayin "Mutum mai cikar nagarta wanda da dama ake mutuntawa kan yadda ya nemi ilmi kuma yake da cikaƙƙiyar hankali da sanin yakamata sa'annan ya yi fice wurin ƙafewa kan aikata daidai”, inji shugaban.

“Allah ya Albarkace ka da koshin lafiya da jindadi domin ci gaba da aiki wa kasa. Ka ci gaba da kasancewa cikin halin lafiya domin yawaita aiki wa kasa, Allah ya Albarkace ka da tsawon rayuwa cikin koshin lafiya”, inji sanarwar.

 

Post a Comment

0 Comments