Duk Da Matsalar Tsaro, Shugaba Buhari Ya Yi Bukin Cikarsa Shekara 79 A Turkiyya


Duk da natsalar tsaro da ake fama da shi musamman a Arewacin Nijeriya a kuma daidai lokacin da wasu ke fafutikar jawo hankalin gwamnati ta hanyar zanga-zangar lumana kan halin da yankin yake ciki, Shugaban kasa Muhammadu Buhari ya yo bukin murnar ranar haihuwarsa. 

Shugaban a yayin bukin yyace zai mayar da hankali wajen ci gaban Nijeriya da al’ummarta kafin ƙarshen wa’adinsa.

Shugaban ya bayyana hakan ne tare da hotunan bikin zagayowar haihuwarsa a Turkiyya a shafin Facebook.


"Ina fatan zuwa 2023 idan na kammala wa’adina na koma gida na kula da gona ta. Amma kafin nan zuwa lokacin zan yi iya ƙoƙarina wajen ciyar da ƙasa da al’ummarta gaba da gudanar da ayyuka kamar yadda kundin tsarin mulkin ƙasa ya tanada,” kamar yadda shugaban ya wallafa a shafinsa na Facebook.

Ya ce ashe bai guje wa bikin haihuwarsa ba a Abuja kuma haka ma a Turkiyya sai da aka haɗa masa bikin.

A ranar Juma’a ne shugaba Buhari ya cika shekara 79 da haihuwa. Kuma tun a ranar Alhamis ya tafi Turkiyya.



Post a Comment

0 Comments