Kungiyar kwallon kafa ta Tottenham ta fice daga gasar Europa bayan da hukumar UEFA ta yanke hukuncin cewa ta yi asarar wasanta d...
Kungiyar kwallon kafa ta Tottenham ta fice daga gasar Europa bayan da hukumar UEFA ta yanke hukuncin cewa ta yi asarar wasanta da Rennes da aka dage a baya.
An dai dage wasa tsakanin Tottenham da Rennes na ranar 9 ga watan Disamba sakamakon bullar annobar corona a kungiyar ta arewacin London, bayan da gwaji ya tabbatar ‘yan wasanta 13 sun harbu da cutar.
A hukuncin da ta yanke, hukumar ta Uefa ta ce ba za a sake wasan ba, kana ta mika batun ga kwamitin da ke kula da dokokinta.
Kwamitin ya yanke hukuncin cewa an bai wa Rennes nasara 3-0, kuma ita ce ke kan gaba a rukunin nasu, Vitesse na biye, kana Tottenham ke matsayi na 3.
A wata sanarwam, Tottenham ta caccaki hukuncin na Uefa, sai dai ta ce ya zame mata dole ta karbi hakan, ta kuma mayar da hankali a sauran wasannin da suka rage mata a gasar da take ciki.
.jpg)
No comments