Tsohon Hafsan Sojin Nijeriya Janar Wushishi Ya Rasu

 


Tsohon Hafsan Sojan Nijeriya, Janar Mohammed Inuwa Wushishi, ya rasu.

Marigayin ya rasu ne a birnin Landan, kamar yadda iyalansa suka shaida wa manema labarai.

Janar Wushishi ya yi aiki ne da gwamnatin Shehu Shagari a shekarar 1981 zuwa 1983.

An haife shi a Ƙaramar Hukumar Wushishi da ke Jihar Neja a arewacin Nijeriya a shekarar 1940.

Tsohon sojan ya riƙe muƙamai da dama a rundunar sojan Nijeriya, inda har ya kai muƙamin Laftanar Janar.


Post a Comment

0 Comments