Jama'atu Nasril Islam Ta Maka Sarkin Zazzau A Kotu Bisa Zargin Karkatar Da Naira Miliyan 20 Na Diyyar Fili


Kungiyar Jama’atu Nasrul Islam, JNI reshen karamar hukumar Zaria ta maka Mai Martaba Sarkin Zazzau, Ahmed Bamalli a kotu bisa zarginsa da karkatar da cekin kuɗi na naira miliyan 20 da ma’aikatar Sufuri ta Tarayya ta ba ta.

JNI ta ce an biya cekin cekin ne ga kungiyar a matsayin diyyar karɓe filinta na Kwalejin Larabci ta Jama’atu, ɓangaren maza, domin aikin hanyar jirgin ƙasa na Kaduna zuwa Zariya a wani ɓangare na aikin titin jirgin ƙasa daga Ibadan zuwa Kano.

A karar da aka shigar a ranar 25 ga watan Afrilu, a babbar kotun jihar Kaduna, shugaban ƙungiyar da sakataren JNI reshen Zazzau, Zaharadeen Maccido da Usman Maccido, sun bukaci a saki cakin ɗin.

Masu shigar da ƙara sun yi ikirarin cewa Sarkin ya rusa shuwagabancin JNI ne a matsayin wata hanya ta rufe musu baki kamar yadda Jaridar Daily Nigerian ta labarto. 

Post a Comment

0 Comments