Tuna Baya: Rantsuwar Shekarau A Siyasa -Daga Ja'afar Ja'afar

 


1. Billahillazee laa Ilaha illa Huwa duk jam'iyyar da ta ci zabe koda Mai Zakara ce ba za'a kwace mata zabe ba... (Ya kwace kimanin Local Govt 27 a zaben kananan hukumomi na 2007 a Kano daga hannun PDP)

2. Wallahi idan aka zubar da digwon jinin mutum daya don naci zabe to wallahi gara na dau yar jakata na fita daga gidan gwamnati. (Mutane da yawa sun mutu)

3. Billahil-lazee laila-haillahu, Ni Ibrahim Shekarau ko kowa a arewa zai koma PDP ni bazan koma ba. (Ya koma PDP)

4. Wallahil -Azeem da na bari ayi alurar polio gara na bar kujerar gwamna (Ya diga polio da hannunsa a Jihar Kano)

5. Billahil-lazee laila haillahu Gen. Buhari ne yasa a kashe ni. (Yace rediyon Muryar Amurka karya take masa)

6. Wallahi Tallahi ni Ibrahim Shekarau ba dan izala bane (Yana halayyar da take nuni da cewa shi dan Izala ne)

7. Wallahi idan dan fansho da malaman makaranta basu karbi albashi ba gwamna ma bazai karba ba. Manufata sai an biya su kafin a biya gwamna. (Ya kasa biyan albashi har tsawon wata biyu)

8. Wallahi irin abincin da lebura yake ci shi gwamna yake ci. (Yana cin kaji da gasheshen rago, kana kuma a sanya masa lemon Exotic a cikin mota ya sha)

9. Billahillazi lah ilaha illa huwa, ban san Sani Hashim Hotoro dan Nassarawa ba ne. (Yayi nazarin takardun (CV) Sani Hashim kafin ya nada shi)

10. Wallahi ku ma Alarammomi baza mu barku a baya ba; duk wanda ya haddace Qur'ani zamu biyashi albashi daidai da mai digiri (Ya kasa biyansu har ya sauka)

11. Sa'idu Adahama ka wasa wukar ka, Billahillazi lah ilah illa huwa, ni Ibrahim Shekarau ba zan nemi tazarce ba. (Yayi tazarce)

12. Wallahi karya suke yi muna tare da Buhari; kuma tsakanina da Najatu yanzu waye ya bar Buhari? (Ya bar Buhari)

13. Wallahi wannan takardar da Hukumar EFCC ta wanke ni ce... Ina Janar Magashi da AVM, ina Najaatu da yaronnan Jafar Sani Bello? To ga takarda daga EFCC... (Ribadu washe gari ya musanta turo masa takarda)

14. Wallahi ba zan taba kashe Kwabo na lalilatar gwamnati ba in dai ba zai amfani jama'ar Kano ba. (Ya siyawa Shugaba Goodluck Jonathan sabuwar mota kirar Toyota Lancruiser Jeep (bullet proof) mai lambar chassis ta 'JTJHY7AX434047209' akan kudi Naira maliyan N48,500,000.00 a ranar 25/04/2011 a cikin lalitar Gwamnatin Jihar Kano). 

Post a Comment

0 Comments