Aisha Buhari Ta Roƙi A Kawo Karshen Yaƙin Sudan

Uwargidan shugaban Najeriya, Aisha Buhari ta roƙi a haɗa karfi da karfe don ganin kurar rikicin Sudan ta kwanta. Jaridar Premium Times ta Na...

Uwargidan shugaban Najeriya, Aisha Buhari ta roƙi a haɗa karfi da karfe don ganin kurar rikicin Sudan ta kwanta.

Jaridar Premium Times ta Najeriya ta ruwaito Aisha Buhari na wannan kira a wani taro da ta jagoranta jiya Litinin a fadar gwamnati da ke Abuja.

A cewar jaridar, Aisha Buhari na ganin akwai rawar da matan shugabannin Afirka za su iya takawa musamman wajen kai agaji Sudan.

Tun ranar 15 ga watan Afrilu, yaƙi ya ɓarke a Sudan kuma har wannan lokaci, an kasa cimma yarjejeniyar tsagaita wuta ta dindindin.

Sama da mutane 500 ake kyautata zaton cewa rikicin ya yi sanadin sun rasuwarsu kawo yanzu.